يوميات شاب قرفان

يوميات شاب قرفان

استمع و اقرأ

راجع من المدرســــــــة ** نفسي أروّح أنـــــــام

زهقـــــــان و بوذي بقا ** شبرين كدة لقـــــــدام

طنشـــــــت كل دروسي ** و أخـدت تـاكـسي أوام

ووصلت بيتي بســـرعة ** أهلا يا أمي ، ســـلام

قالت تعالى اتغـــــــــدى ** قلتلها لا راح انـــــــام

لما وصلــــت سريري ** كأنه حـــقل ألغــــــــــام

بحلم أمدد جســـــــــمي ** نفسي أشوف أحـــــلام

بتمــنى اعيش مرتــاح ** في يوم من الأيـــــــــام

حـياتي متلخبطــــــــــة ** و بشوف ورا قــــــدام

اتنيــن و تلاتيـن عمري ** و كأني ستيــن عـــــام

لو مرة اجيب بطيــــــخ ** يطلع يا ناس شمـــــــام

و ان جبت جوز ديك رومي ** كله يقول دا حمـــــام

و اسأل بقا الجـــــــزار ** اللحمة يابا بكـــــــــــــام

ببـلاش يا باشا عشانـك ** أضحك و أقول يا ســلام

و لما أطلب كيــــــــــلو ** ألاقيه دهون و (عظــام )

شفتــــو حـيــاتي ازاي ** حلوة و كله تمــــــــــام !

حبيــت قليل و كتيــــــر ** لكنه كان أوهــــــــــــــام

ممـكن أحــب سهـــــير ** تانـي يوم تكون إلهــــــام

أغلط و أقـــول يا إيمان ** ترد : اسمي سهــــــــــام

تايــه أنا و متـلخبـــــــط ** أصلي بحــب ريهــــــــام

من كــتر حـبي لـسـلوى ** تعبان و عندي زكــــــــام

اشــــــرب قــزازة دوا ؟ ** و لاَّ شـــريط برشــــــام؟

نفسي أفوق م الهــــــــم ** و أنـسى بــــــــــقا الآلام

عايز أروق و ( اتلـــم ) ** و يكون في بيتي ( مدام )

تكون حياتي و عمـــري ** تضحــك لنا الأيـــــــــــام

محمد الرومي